By Nancy Mbaegbu
Ekweremadu’s story takes a new twist
Every time we think say the Ekweremadu matter don finally rest, another chapter dey always waka come show face. Omooo, jubilation burst for Enugu last week as news break say Beatrice Ekweremadu don finally return home after serving her UK prison sentence.
The wife of former Deputy Senate President, Ike Ekweremadu, land Abuja on Tuesday, January 21, 2026, and family members welcome am quietly for Nnamdi Azikiwe International Airport. Na her first time stepping Nigerian soil again since the whole international wahala start for 2022.
As she reach, her hometown of Mpu in Enugu State scatter with celebration. People gather, dey rejoice, dey hail “madam is back,” even though her husband still dey cool off behind bars for UK. The contrast sharp: one spouse free, one still locked up, and the story no still finish.
Make we rewind small. Beatrice Ekweremadu was convicted alongside her husband Senator Ike in May 2023 by a London court for conspiring to bring a 21-year-old Lagos street trader, the actual victim to the UK for illegal kidney harvesting.
According to the court, the organ was meant for their daughter, Sonia, who suffers from a chronic kidney condition. The case shock the world because na the first time the UK’s Modern Slavery Act (2015) was used for organ-harvesting prosecution. Law meet drama!
The court sentence her to four years and six months, but as UK system dey do, she serve just half before release. Reports talk say good behaviour and the UK government’s move to reduce prison overcrowding help fast-track her freedom. Law na law, but many Nigerians still dey debate the moral side till today. Abi who no go dey vex if person wan use your kidney like market goods?
Meanwhile, her husband, Senator Ike Ekweremadu no get that same luck. The UK court tag am as the “main architect” of the plan and slam am with nine years and eight months in prison.
Nigerian government try negotiate transfer or release, but UK Home Office reject am late 2025, say dem no trust say the sentence go dey enforced properly if him return to Nigeria. True true, dem don see Naija finish.
As for the others, Dr. Obinna Obeta, the medical middleman, him still dey serve 10 years for the same case. Their daughter Sonia, who was cleared of all charges, remains in the UK receiving medical care. The saga long and messy, no be small thing.
Even with all the wahala, people dey gist for Enugu say celebration dey everywhere. Some dey hail Beatrice return: “Na her freedom, we dey happy for her.” Others dey shake head: “Ah, wahala still full, her husband still dey jail.”
Naija go always find way mix joy, scandal, and small shock. But one thing clear, this case remains one of the most controversial chapter in Nigerian political history.
Jail time or cash refund? Ojo Kingsley shocks Naija
Naija drama no dey finish! Each time we think say e don finish, another wahala go land. Last week, Ojo Ehosa Kingsley make social media blow up after he reportedly chose one-year jail term over refunding N272 million mistakenly credited to his First Bank account.
Yes oo, you no hear wrong. He just waka enter prison instead of paying back. People online dey calculate, dey laugh, dey wonder: “Who go do this one for Naija?”
Drama start between June and November 2025, when N1.5 billion mistakenly land for him account. Instead of alerting the bank, Kingsley reportedly spend part of am for personal use — and na here gbege enter.
The matter reach court after EFCC arrest Kingsley for Benin City, and on January 19, 2026, he appeared before the Edo State High Court, charged for theft and fraud under Edo State Criminal Law (2022). Kingsley reportedly pleaded guilty sharp sharp, while him lawyer beg for mercy, talk say him client dey remorseful. The story sweet well well.
EFCC don recover N802.42 million from him accounts and accounts linked to his mother and sister, while First Bank reversed over N300 million in transactions. But N272,252,193.59 still dey outstanding.
The court sentence am to one-year imprisonment or N5 million fine, plus an order to refund the balance if he later decide to pay.
But in a shocking courtroom twist, Kingsley reportedly tell court say him prefer chop jail time pass refunding the remaining N272 million. Social media freeze: “One-year jail instead of N272 million? Bold move or madness?”
Social media scatter like say na carnival. Some dey hail am, dey yan: “Na true Naija energy!” Others dey wag finger: “Ah ah, who does this one?” One person type: “Kingsley really dey live life on the edge!” Drama full ground.
The debate hot well well, and Naija people dey enjoy for the comments section, dey laugh, dey argue, dey calculate every angle of this unbelievable gbege.
Now na your turn gist lovers: if N272 million accidentally land for your account, you go refund am… or waka enter jail like Kingsley?
Chrissy Teigen’s “No Fart” rule sparks debate on marriage
While the world dey busy arguing about inflation, elections, and who unfollow who on Instagram, Hollywood quietly dropped one marriage gist wey disorganize timeline.
This time, na Chrissy Teigen and her Grammy-winning husband, John Legend. She carry mic and the confession no be small.
According to Chrissy, for 12 solid years of marriage, John Legend never witness one basic human activity from her side. Yes. Madam boldly tell E! News say, “For all he knows, I have never farted or pooped.” Internet pause. People blink. Some people even reread the quote like, “Wait… did she really say that?”
The 40-year-old model and cookbook author explain say na strategy. For her, small mystery dey help preserve attraction. She say: “you gats keep the sexy, even for marriage.”
She quickly clarified say she no go lie, John no exactly follow that rule all the time, but on her own part, she dey make conscious effort. Priorities clearly defined.
Remember say this same couple don dey together since Obama era. Married for 12 years, four children later, and dem even renew their vows for Italy in 2023 like say na rom-com. Love dey sweet, but maintenance dey required, even if e mean pretending say body no dey behave like body.
Chrissy no stop there. She talks about partnership, parenting, and that “us against the world” mindset. According to her, marriage no suppose die because children enter the picture. Lovers first, parents second. Teamwork na the real romance, she insists. Even on days wey you no feel like trying, try anyway. Advice choke.
As expected, social media no carry last. One person comment: “12 years? Na Guinness World Record be this?” Another ask, “So where she dey go when nature dey call?” Somebody else yan: “John Legend dey live inside soft life illusion.”
Others clap for her discipline, while some say abeg, peace of mind pass packaging. The comments section turn marriage seminar mixed with comedy club.
Internet don divide, and as usual, everybody get opinion. So my loves; na mystery really dey keep marriage sexy, or na comfort Andy freedom matter pass? Would you keep up appearances forever or fart in peace and rest?
